Inoiz baino gorago heldu zen egun hartan. Bazirudien iritsiko zuela hainbat amestutako gailurra, baina beste behin ere, ilargiak uste baino azkarrago bidali zuen eguzkia lotara, argia itzalita.

"Bosniako gerra bete-betean, heriotik ihesi, Bartzelonara iritsi ginen, itsasontzi zahar batean ezkutaturik, ama, arreba eta ni, Nezir. Serbiarrak gure hiritik hurbil zeudela, haien sarraskien berri jakin baikenuen, ihesi abiatu ginen, etxeak eta lurrak utzirik. Hantxe geratu zen aitonaren etxalde handia, hantxe gure etxea, baratze eta guzti. Auzoko guztiok alde egin genuen; arimarik ere ez zen geratu.
Gure auzotik igarotzen ziren iheslariek berri beldurgarriak ematen zizkiguten; sua eta kea ikusi genituen hiriaren beste aldean, eta eztandak, tiroak."

Liburu honetan hamabi istorio eta hamabi marrazki dibertigarri biltzen dira. Bai idazleak, bai marrazkilariak hizkuntzarekin jolastu dute eta hasiera batean sexuaren inguruko zerbaitez ari direla perntsatzen badugu ere, bestelako ustekabekoa eramango dugu.
Umorea erabiliz buruan bueltaka darabilkigun gai batez jardun du idazleak.

Udalekuak, ibilaldiak, lagun berriak… Zeinen polita! Zeinen atsegina eta gustagarria! Baina beti ez dira izaten udako kontu hauek hain politak eta zoragarriak. Ez horixe! Bestela irakurri Alainek kontatzen digun historia hau. Alain, Itsaso, Maddi, Iratxo eta Eñauten bizipen beldurgarria. Maitasun historiatxoak ere barruan, baina bestelakoak ere bai. Batez ere bestelakoak, beldurrezkoak. Itsasori gauaren erdian bere ohe atzean agertzen zitzaion mutil sonanbulu hura, ez pentsa gero ametsetakoa edo gezurrezkoa zenik! Udalekuak politak izaten dira, baina egunez. Ilargiaren argitan gertatzen direnak, beti ez dira parte onekoak izaten.

Tronpatxo elefante pottoloa zoriontsu bizi da bere ama eta lagunekin, Keniako oihanetan. Azken aldian, ordea, kezkatzen hasia da. Bere tronpa lagunena baino ttikiagoa da. Tronpeok laguntzen dio zuhaixkak ipurditik ateratzen, baina Tronboik eta Tronpetak barre ttikiak egiten dizkiote. Gure elefante kumeak ez daki zer egin bere tronpatxo hori luzatzeko.

Poema liburu honetan estilo desberdinetako poemak aurki daitezke; hala nola:
Itsasontzia kulunkan
itsasoa kulunkari.

Eta amaren bihotz samurra
umearentzat opari

Itsasontzia kulunkan
itsasoa kulunkari.

Mattin zeharo haserre dago.
Mattin haserre dago goiz-goizean ohetik jaikitzean, ikastola joatean, andereñoarekin eskolan, ikaskideekin bai ikasgelan, bai jolas-orduan..
Zergatik dago haserre Mattin?